christmas party '08!

NAIRAOS din sa wakas ang Christmas Party na regular na ginagawa ng mga taga-old industry at mga bagong sibol na komikeros. Usually ay ginaganap ito sa bahay nina Mang Tony Mongcal sa may Roosevelt Avenue pero hindi available ang place. This year ay ginanap ito sa amin kahapon lang, December 20, Saturday, sa Pandacan, Manila. Medyo late na at busy na ang maraming komikeros at ang iba ay may mga dinaluhan ding pagtitipon kasabay ng okasyon kahapon kaya hindi nakarating.
Sa kabuuan ay masaya ang pagdiriwang at nakapagkuwentuhan ang mga dating magkakasama at bagong magkakakilala habang kumakain at nag-iinuman. Ang pinakatampok na topic siyempre pa ay tungkol sa komiks, at ang matagumpay na Komikon 2008.
Merry Christmas sa inyong lahat na bumibisita sa blog na ito. Salamat muli sa mga nag-ambag para sa naganap na kasayahan; Pareng Fermin Salvador, Rocky Villena, Terry Bagalso at sa mag-inang Imee Estrella at Ryan Quijano. Magsama-sama at magkita-kita muli tayo next year sa maraming comics activities.
Salamat din sa pamunuan ng aming barangay lalo na kay Chairman Gaddy Boongaling na nagbigay ng permit na maipasara at magamit ang aming kalye para sa okasyon, at mga pasilidad ng barangay.
Merry Christmas!


Early birds sina Randy, Armand Loquias, Ner Pedrina, Rocky Villena, Bladimir Usi at isang kaibigan ni Armand.


Mga kabataang artists from Antipolo na kasama ni Mang Orvy Jundis.



Randy kasama ang Antipolo artists.


Nakatayo si Mang Orvy kasama sina Blad Usi at Armida Francisco.



Kainan time.


Far right ang co-editor ko dati sa Atlas na si Alex Cruz, naka-blue (Thriller and Darna) at naka-orange polo shirt ang writer na si Joe Dalde na ngayon ay editor ng tabloid.


Kakang Marboy, Randy, Benjie Felipe and Paulo Santos.


Jonas Diego and my new kumpare, John Becaro.


Lovers in Pandacan, Mang Orvy and wife.


Alex, Joe, umiinom si Mang Karl Comendador, naka-side view si Danny Marquez, ang huling editor ng Pilipino Komiks. Editor siya ngayon ng People's Balita.


Nasa kaliwa ang letratistang si Tony Mongcal (kapatid ni Jomari Mongcal), Mang Nestor Malgapo and Noly Zamora.


Armand preparing some pulutan. Dati siya sa accounting department ng GASI at naging circulation manager ng Manila Times. Involve siya ngayon sa trading.

MORE PHOTOS...