Saturday, March 7, 2009

FrancisM

Photobucket

NAGTATANGHALIAN kami kahapon sa The Loop ng ELJ Building, ABS-CBN nang kumalat ang usap-usapan na sumakabilang-buhay na si Francis Magalona. Nang makita kong ipina-flash sa TV screen ang balita, totoo na pala talaga. Isa ako sa milyun-milyong Pilipinong nakaramdam ng kalungkutan sa naganap.
Fan ako ni Kiko hindi siguro dahil sa kanyang musika kundi sa kanyang pagiging role model. Sa kabila ng kanyang pagiging abala sa trabaho ay maayos niyang naitataguyod ang kanyang pamilya. Isa rin siya sa mga artist na laging nagtataas ng antas ng pagiging Pilipino sa paningin ng mundo, at ang mensahe ng kanyang awitin ay nananawagan ng patriotismo.
Sa larangan ng musika, kasama siya sa mga nirerespeto ng mga musikerong mula sa iba’t ibang genre. Pinaangat niya sa mainstream ang Pinoy rap, at siya lang ang matagumpay na nakapag-merge ng rap at Pinoy rock.
Tapos na sana kami ng deadline ng April 2009 issue ng The Buzz Magasin noong Friday na pumanaw siya pero nag-request ako sa mga kasamahan ko kung puwede pang mag-extend ng araw para maihabol ang ilang pahinang tribute para kay Kiko, at pumayag naman sila. Kailangang kilalanin at dakilain ang mga nagawa at naiambag ng isang tunay na artist sa larangan ng musika at pelikula.
(NOTE: Above image lifted from Francis M’s online T-shirt store)

3 comments:

Anonymous said...

hi KC!

finally got here 1st.
tatum nga po ito.

francism's demise.
sad news. :(

Dennis Villegas said...

Isa rin ako sa mga taga-hanga ni Fracis magalona. Sana ay mabigyan siya ng parangal kahit huli na dahil sa pagtaguyod sa ating pagka-Pilipino.

mgaputonimimi said...

idol ko sya.. jack of all traits... arts kung arts...